png2

2012 niejaorsborrel

Geslaagde Me Dunk Niejaorsborrel,Persies um ach oor ‘saoves waar haos ederein van Me Dunk beej Alt Blièrick.D’r woort getoos op ein geweldig en muzikaal 2012, det in houfzaak gewièd zal zien aan ós 33 jäörig bestaonsfieës!Ederein waas bliej verras det Jopie (Huberts) d’r ouk waas. Nao ein lange aafwezigheid, waeges zien krankheid, is Jopie weer ein flink stök opgeknap. ’t Geit zoeë good met Jopie det ze ós nog aaf en toe verras met ’n bezeuk. Maar dees reis had det ’n andere raeje. Jopie is 14 jaor lid van Me Dunk en det is nog neet alles. Jopie woort as twieëde (ièrste waas Ben Faessen) beneump tot ièrelid. Det waas ein verrassing, neet allein veur Jopie, maar ouk veur de andere leeje. Ein daverend aplaus volgde!! Oètintelik wuurs se neet zoeëmaar ièrelid! Jopie kreeg eine flinke boès bloome en ein geweldige foto van dees gebeurtenis. Ónder ’t genot van ein hepke en inkele drenkskes woort dit Niejaorsfieës aafgeslaote. Vanzelfspraekend is dit veur herhaling vatbaar, Sjaak.

  • nieuwjaarsborrel 2012 (10)
  • nieuwjaarsborrel 2012 (11)
  • nieuwjaarsborrel 2012 (2)
  • nieuwjaarsborrel 2012 (3)
  • nieuwjaarsborrel 2012 (5)
  • nieuwjaarsborrel 2012 (6)